Aftreksels

Bestanddele

1 kg Skenkel of beesnek

2 Eetlepels botter

1.5 liter water

2 Eetlepels sout

1 Eetlepel swartpeper

1 groot ui

4 - 6 knoffelhuisies

3 Wortels fyngekap

2 Rape fyngekap

2 Selderystingels fyngekap

2 Preie fyngekap

4 Naeltjies

40g gedroogte Sjiitake-sampieone

1 Bossie kruie ( tiemie, pietersielie en lourierblaar)

Metode

• Sny die vleis effens kleinder en braai met die botter in 'n groot kastrol tot goudbruin.
• Verwyder die vleis en plaas eenkant.
• Braai dan die ui, knoffel, prei en die seldery tot die ui deursigtig is.
• Plaas die vleis terug en voeg die groente, sout, peper en naeltjies by.
• Gooi die water by en sit die kruie en sampioene in.
• Laat dit vir 3 - 4 ure lank stadig prut, skep die skuim wat bo-op vorm af wanneer nodig.
• Moenie te veel ekstra water byvoeg nie ... net 'n klein bietjie indien nodig.
• Syg deur n fyn sif en laat afkoel.
• Verwyder die vetlaag wat bo-op vorm as jy verkies.
• vleisaftreksel kan 'n hele ruk lank in die yskas gebêre word, maar dan moet die vetlaag nie verwyder word nie.
• Dit vries baie goed.