Roomys
Aarbei-roomys
Bestanddele
• 2 Koppies vars aarbeie deur die voedselverwerker fyn gemaak
• 1 Koppie strooisuiker
• 2 Koppies volroom-melk
• 2 koppies room
• 2 teelepels vanieljegeursel
• knippie sout
• 2 druppels rooi voedselkleursel
Metode
• Gooi die suiker by die vars aarbeie en laat dit vir so 15min staan. roer dit goed deur.
• Meng nou die aarbeie, melk, room, vanielje, sout en kleursel saam in die voedselverwerker. Net vir so 'n minuut.
• Gooi die mengsel in die roomysmasjien en volg die masjien se instruksies.
• skep die roomys in 'n bak en plaas in die vrieskas.
roomys
Maklike aarbei-roomys sonder 'n roomysmasjien
Bestanddele
• 1 kg Vars Aarbeie - fyn gemaak in die voedselverwerker
• 1 Eetlepel suiker
• knippie sout
• 1 teelepel vanieljegeursel
• 1 Blikkie kondensmelk
• 2 Koppies room
Metode
• Meng die Aarbeie met die suiker en knippie sout - laat dit vir so 15min staan - roer dit dan goed.
• Voeg die kondensmelk en die vanielje by die aarbeie en meng goed.
• Gooi die room is sy eie bak en klits met 'n elektriese klitser tot die room styf is ... omtrent so 3 minute.
• Vou die aabei-mengsel versigtig by die room in.
• Skep die mengsel in 'n bak waarin jy dit kan vries. Plaas 'n stukkie bakpapier bo-op die roomys voor jy dit in die vrieskas plaas... sal help as die bak ook 'n deksel het.
• Die mengsel moet omtrent 12 ure in die vrieskas wees voor jy dit bedien.
Roomys
Kersie-Roomys
Bestanddele
Genoeg vir 1 liter - nie nodig vir 'n roomys-masjien nie maar ek beveel dit aan.
- Ontpit 600g vars kersies en kap dit grof op.
- Gooi in 'n kastrol saam met 100g strooisuiker.
- Bring tot kookpunt en roer deurentyd.
- Verlaag die hitte en laat prut vir sowat 10 - 15 minute.
- Haal van die hitte af en laat effens afkoel.
- Vul 'n kastrol halfpad met water en bring tot kookpunt.
- Stel die plaat op sy laagste hitte.
- Plaas 2 eiers en 100g strooisuiker in 'n mengbak wat op die kastrol sal pas.
- Plaas die mengbak bo-op die kastrol en en klits met 'n elektriese handklitser tot dik en lig van kleur.
- Haal die bak af van die kastrol en voeg die kersies by.
- Laat effens afkoel.
- Klits 250ml Room styf en vou dit in die eiermengsel.
- Vol die instruksies op jou roomys-masjien.
- Skep in houers en plaas in die vrieskas tot gevries.
- Garneer met vars kersies.