Koekie - en beskuitblik

Bestanddele

• 1 Koppie Grondboontjiebotter

• 1 Koppie suiker

• 1 Eier

Metode 

• Voorverit die oond op 180°C

• Klits die Grondboontjiebotter, suiker en eier saam met 'n elektriese klitser tot glad.

• Rol die deeg in klein balletjies en plaas op 'n bakplaat met bakpapier.

• Druk versigtig plat met 'n vurk - strooi so bietjie suiker oor as jy wil.

• Bak vir 10min ek laat dit afkoel voor jy dit in 'n lugdigtehouer bêre

Bestanddele 

• 500g Bruismeel

• ½ teelepel sout

• 250g botter, kamertemperatuur

• 1 koppie suiker

• 1 koppie karringmelk of volroom  jogurt

• 1 groot eier 

Metode 

1. Voorverhit die oond op 180°C . Gooi die bruismeel en die sout in 'n groot mengbak en vryf die botter in die meel.

 2. Roer die suiker by.

3. Klits die karringmelk en die eier saam en meng die nat bestanddele by die meelmengsel en knie tot net glad.

4. Druk die deeg styf vas in 'n gesmeerde broodpan en bak vir sowat 1 uur teen 180°C  of totdat 'n toetspen skoon uitkom. Laat heeltemal afkoel.

5. Sny die beskuit in vingers, rangskik op bakplate en droog dit dan uit teen 100°C in die oond totdat die stukke lekker bros is (dit neem so 6 ure afhangende van hoe gtoot jou beskuit gesny is). Bêre in 'n lugdigte houer.

Bestanddele

• 1 ryp middelslag piesang 
• 100g hawermout
• 2 Eetlepels heuning
• 3 Eetlepels grondboontjiebotter
• 50g donkeer-sjokolade in fyn stukkies gekap
• knippie sout

Metode

1. Voorverhit die oond op 170'C
2. In 'n bakkie kan jy die piesang fyn druk met 'n vurk, meng dan die hawermout, heuning en grondboontjiebotter by.
3. Meng ook die sjokolade stukkies by ( hou so bietjie eenkant om oor die  koekies te sprinkel nadat dit gebak het). Geur met so bietjie sout.
4. Gebruik 'n teelepel om die deeg mee uit te skep en dan in  klein balletjies te rol met jouu hand.
5. Plaas die balletjies op 'n bakplaat en druk hulle so effens plat - jy behoort so 6 - 7 koekies uit te kry.
6. Plaas dit in die oond en bak vir so 15 minute.
7. Haal uit die oond en sprinkel met die oorgeblewe sjokolade en laat dit afkoel.

Bestanddele

500g Botter (kamertempratuur)

3 eiers

500ml Karringmelk

200ml olie

500g bruismeel

500g nutty wheat

250g All-Bran-ontbytgraan

100g Sonneblomsaad

100g Pampoenpitte

100g Pekaneute fyngekap

200ml suiker

5ml sout

5ml Bakpoeier

Metode

• Voorverhit die oond op 180°C
• Meng die suiker, sout  en bakpoeier by die meel en vryf die botter met jou vingers by die meelmengel in.
• Gooi die All-bran, sade, pampoenpitte en neute by die meelmengsel.
• Klits die karringmelk, eiers en olie saam en gooi dit by die All-bran mengsel. Meng goed.
• Skep die deeg in 'n gesmeerde oondpan en bak vir 40 minute tot gaar.
• Laat die beskuit afkoel , sny in vingers en droog dit uit in die oons teen 80°C.